Үндэсний шуудан

Үндэсний шуудан нь 2007 оноос хойш хэвлэгдэн гарч буй Монголын үндэсний өдөр тутмын сонин бөгөөд Монгол Улсын 21 аймаг, бүх сумд болон гадаадын 10 гаруй оронд уншигч, захиалагчтай байна. Нийтлэлийн бодлого, мэдээллийн бодит байдал, шуурхай байдал, сэтгүүлчдийн ур чадвар, ёс зүйн үзүүлэлтээр өргөн олны хүндэтгэлийг хүлээсэн үндэсний хэмжээний өдөр тутмын сонин болж төлөвшсөн.

Үндэсний шуудан сонин нь улс төр, эдийн засаг, бизнес, нийгэм, байгаль экологи, урлаг соёл, спорт зэрэг бүхий л салбарын үйл явдалд анхаарал хандуулан нийтлэлээ зориулдаг. Чадварлаг залуу сэтгүүлч, график дизайнер, менежерүүдээс бүрдэн байгаа редакцийн баг нь өдөр тутмын, цаг үеийн нийтлэлүүдийн зэрэгцээ Эдийн засгийн шуудан, Ногоон шуудан, Эрүүл мэндийн шуудан, Нийслэлийн шуудан, Спортын шуудан зэрэг төрөлжүүлсэн хавсралт сонинуудыг долоо хоног бүр хүргэдэг. npost.mn мэдээллийн сайт, нийгмийн сүлжээ, видео контент, лайв нэвтрүүлэгийн чанартай үйл ажиллагаа явуулж байна.