Цахим Өртөө Дээд Сургууль

Цахим Өртөө Дээд Сургууль нь өндөр технологийн инноваци хөгжүүлэх энтрепренер-судалгааны сургууль болон хөгжлийн алсын харатай. Сургуулийн үндсэн баганыг олон улсын стандартад нийцсэн инженерчлэлийн сургууль болон инновацийн энтрепренер бэлдэх бизнесийн сургууль гүйцэтгэдэг. Дэлхийн 13 улсад амьдарч сурч ажиллаж байгаа 120 гаруй монгол мэргэжилтэн залуус Цахим Өртөө Холбоонд багтаж, гишүүдийн 95% нь өндөр хөгжилтэй орнуудын их дээд сургуульд төгссөн, 42 Ph.D, 59 магистр, 19 бакалавр зэрэгтэй академик чадамжтайгаараа онцлогтой.

Сургууль оюутнуудад англи, монгол хэлний өндөр боловсрол эзэмшүүлэх, харилцаа ба хамтран ажиллах чадварыг хөгжүүлэхийн зэрэгцээ, дэлхийн нийгмийн сайн сайхныг бодит хувь нэмэр оруулах удирдагчдыг бэлтгэдэг. Монголын анхны 100% цахимжсон сургууль бөгөөд шинээр элссэн оюутан бүрт зөөврийн компьютер олгож, сургалт, үйл ажиллагааг цахим хэлбэрт бүрэн шилжүүлсэн. Сургуулийн дэргэдэх мэдээллийн технологийн хоёр жилийн мэргэжлийн сургууль нь системийн администратор, програм хангамж, вэб дизайн чиглэлээр мэргэжилтэн бэлтгэдэг. Төгсөгчид сургуультай гэрээтэй томоохон компаниудаас ажлын санал, холбооны гишүүдийн хичээлжүүлэлцээ, карьер сервисийн үйлчилгээ зэрэг боломжоор хангагдаж байна.