Сод Монгол Групп

Сод Монгол Групп нь 17 гаруй охин компанитай Монголын томоохон хувийн хэвшлийн нэг юм. Нефтийн бүтээгдэхүүний импорт, борлуулалт, үйлдвэрлэл, нефтийн барилга байгууламжийн угсралт, тохижилт үйлчилгээ эрхэлдэг. Автобензин (А-80, Аи-92, Аи-95), дизель түлш, мазут, битум зэрэг нефтийн бүтээгдэхүүнүүдийг, мөн чанарын өндөр түвшинтэй машины тосол материалуудыг үйлдэрлэн, импортлон Монголын зах зээлд нийлүүлж байна.

Нефтийн үйл ажиллагааны хүрээнд ШТС-ын төлөвлөлт, нефть агуулах өргөтгөл, сав тоног төхөөрөмжийн шинэчлэл, цахилгаан угсралт, баталгаат засвар үйлчилгээг гүйцэтгэдэг. Үүнээс гадна автомашины цогц үйлчилгээ, аялал жуучлал, харуул хамгаалалт, кино үзвэр, хөдөө аж ахуйн салбаруудад үйл ажиллагаа эрхэлдэг.