Монгол шуудан ХК

Монгол шуудан ХК нь Монголын морин өртөө шуудан системээс үүсэл авсан, дэлхийн шуудан холбооны түүхэнд анхдагч харилцаа холбооны байгууллага юм. 13-р зууны үед Чингис хааны хөвгүүн Өгөдэй мэдээлэгч, захирагчдыг байгуулан морин өртөө системийг үүсгэсэн нь мэдээлэл дамжуулах сүлжээг бий болгосон томоохон дэвшил байв. 1921 оны 7 дугаар сарын 19-нд Ардын засгийн газрын тогтоолоор Монгол улсын шуудан бичиг, цахилгаан мэдээний ерөнхий хороо байгуулагдсан бөгөөд энэ нь одоогийн Монгол шуудан ХК-ийн үндэс болжээ.

Монгол шуудан ХК нь Монгол Улсын 21 аймаг, дүүргийн 22 шуудангийн үйлчилгээний газар, 330 сум болон Улаанбаатар хотын 38 салбаргаар дамжуулан 900 гаруй ажиллагсадтайгаар шуудангийн 30 гаруй үйлчилгээ үзүүлж байна. Улс, хот хоорондын шууданг долоо хоногт 3-6 удаа, аймгийн төв сум хооронд 2-4 удаа, сумаас 1200 гаруй багт нэг удаа хүргэдэг. Дэлхийн 200 гаруй орны шуудантай солилцоо ажиллагдаж, 38 оронтой түргэн шуудан үйлчилгээ эрхэлдэг. Жилдээ 10 сая гаруй шуудан, цахилгаан мэдээлэл, хэвлэл болон иргэдийн илгээлтийг хаягт эзэнд нь хүргэн гардуулдаг.