Монголын барилгын үндэсний ассоциаци

Монголын барилгын үндэсний ассоциаци нь ТББ-ын тухай хуулийг үндэслэн барилга хот байгуулалтын салбарт үйл ажиллагаагаа явуулдаг ашгийн бус байгууллага юм. Аж ахуйн нэгж, төрийн бус байгууллага, мэргэжлийн холбоод, хувь хүмүүсийг сайн дурын үндсэн дээр нэгтгэж, гишүүдийн хууль ёсны ашиг сонирхлыг хамгаалж, төрийн бодлогод өөрийн гишүүдийн үзэл бодол, санал зөвлөмжийг тусгуулах зорилготой ажилладаг.

Салбарын хөгжлийн үзэл баримтлал боловсруулах, холбогдох хууль тогтоомжийн төсөлд оролцох, бизнесийн тааламжтай орчин бүрдүүлэхэд чиглэсэн санал гаргах, гишүүдийг мэргэжлийн сургалт, олон улсын ба дотоодын байгууллагуудтай хамтын ажиллагаанд хамруулах, түүнчлэн салбарын ажиллагсдын нийгмийн асуудал, хөдөлмөрийн аюулгүй ажиллагааны талаар холбогдох байгууллагуудтай хамтарч ажилладаг.