Монголын Менежментийн Холбооны Гүйцэтгэлийн Төгс Төгөлдөр Төв

Монголын Менежментийн Холбооны Гүйцэтгэлийн Төгс Төгөлдөр Төв нь гүйцэтгэлийн төгс төгөлдөр, чанар, байгууллагын хөгжлийг гол чиглэлээ болгон мэдлэгийн менежмент, бенчмаркинг, тэргүүн туршлагаар бизнесийн байгууллагуудад үйлчилгээ үзүүлнэ. Манлайлал, стратегийн удирдлага, байгууллагын хөгжил, чадавхид суурилсан хүний нөөцийн менежмент, чанарын нэгдсэн удирдлага, бүтээмж, гүйцэтгэлийн хэмжилт зэрэг талбаруудаар төсөл хэрэгжүүлж, сургалт, зөвлөгөө өгөнө.

Төвийн зөвлөхүүд, ажилтнууд Америкийн Бүтээмж, Чанарын Төв, Японы Бүтээмжийн Төв, Сингапурын Бүтээмжийн Байгууллага, Олон Улсын Хөдөлмөрийн Байгууллага, Малайзын Бүтээмжийн Байгууллага, Азийн Бүтээмжийн Байгууллага зэрэг олон улсын байгууллагуудаас бэлтгэгдсэн. 2009 оноос эхлэн Европын Сэргээн Босголт, Хөгжлийн Банкны Бизнесийн Зөвлөгөө Үйлчилгээний хөтөлбөртэй хамтран дотоодын компаниудад төслүүдийг хэрэгжүүлж байна.