Монголын Хөгжлийн Гарц

Монголын Хөгжлийн Гарц нь 2002 онд байгуулагдсан ашгийн бус, бие даасан төрийн бус байгууллага бөгөөд улс орны тогтвортой хөгжлийг дэмжих, ядуурлыг бууруулахад мэдээллийн технологийг өргөнөөр ашиглаж, хамтын түншлэлийг бэхжүүлэхэд үйл ажиллагаа явуулж байна. Дэлхийн Банкны Хөгжлийн Гарц сүлжээний 50 гаруй орныг эгнээндээ нэгтгэсэн сүлжээний Монгол дахь төлөөлөл юм.

2005 онд байгуулагдсан Гарц сургалтын төв нь ТББ-ууд, бизнес эрхлэгчид, байгууллага, хувь хүмүүсийг зорилуулан компьютер, Интернэтийн сургалтуудыг тогтмол зохион байгуулж байна. 800 гаруй хүн суралцаж төгсөөд байгаа сургалтын төв нь вэб дизайн, програмчлал, мэдээллийн технологийн хэрэглээ, компьютерийн хэрэглээний сургалтуудаас гадна зөвлөгөө, судалгаа, төслийн баримт бичиг боловсруулах, сургалт, семинар зохион байгуулах үйл ажиллагаа явуулж байна. 2003 оноос хойш жил бүр «Мэдээллийн Технологийн Оны Хүн» шалгаруулалт эхлүүлэн 9 номинациар мэдээллийн технологийн шилдгүүдийг сонгон шалгаруулж байна.