"ЭМ ЖИ ДИ СИ" ХХК

«ЭМ ЖИ ДИ СИ» ХХК нь 2006 онд байгуулагдсан шингэрүүлсэн хийн түлш (ШШХ)-ний салбарт үйл ажиллагаа явуулдаг компани юм. Компани нь БНСУ, БНХАУ-аас ахуйн болон үйлчилгээний газар, рестораны зориулалттай өндөр хүчин чадалтай хийн зуух, өрөө халаагуур, хийн плиткаг импортлон борлуулдаг. Тус компани 16 кгс/см2 даралтын сав, шугам хоолойг суурилуулах, угсрах, засвар үйлчилгээ хийх тусгай зөвшөөрлийг авсан. 2007 оноос шингэрүүлсэн хийн түлшний салбарт зөвлөгөө, зураг төсөл, суурилуулалт, угсралт, тоног төхөөрөмж нийлүүлэлтийн үйл ажиллагаа явуулж байна. Компанийн инженер техникийн ажилтнууд нь нефть хийн салбарт олон жилийн туршлага, чадвартай мэргэжилтнүүд бөгөөд хийн түлшний чиглэлээр өндөр түвшний үйл ажиллагаа гүйцэтгэдэг.