Мандухай Хатан ХХК

Мандухай Хатан ХХК нь 1990 онд Мандухай пүүс нэртэйгээр байгуулагдан үйл ажиллагаагаа эхэлсэн гоо сайхны бүтээгдэхүүн үйлдвэрлэлийн компани юм. Нүүр цэвэрлэгч сүүн шингэн, өдрийн болон шөнийн тэжээлийн тос, маск, үсний тос, гар хөлийн тос, хүүхдийн тэжээлийн тос, үсний шампунь, ангижруулагч зэрэг 20 гаруй төрлийн бүтээгдэхүүн үйлдвэрлэж байна. Эдгээр бүтээгдэхүүнүүд Монголын хуурай, эрс тэс уур амьсгал болон Монгол хүний арьсны онцлогт тохирсон юм.

Чанартай, хямд бүтээгдэхүүнээр хүн ардыг үйлчлэх зорилтоор ажилладаг. Амин дэм, биологийн идэвхит эрдэс бодис, цэвэр байгалын гаралтай түүхий эд болох чацаргана, гүүний саам, зөгийн бал, зуун наст зэрэг ашиглан арьсыг сэргээх, залуужуулах, чийгшүүлэх, хамгаалах бүтээгдэхүүн үйлдвэрлэж байна. 1998 онд Олон улсын үзэсгэлэн яармагийн хүрэл медалийг, 1999 онд Хэрэглэгчийн найдвартай түнш байгууллагаар шалгарсан. Шинжлэх ухааны ололт болон шинэ техник технологи ашиглан бүтээгдэхүүний чанар, тоо хэмжээг нэмэгдүүлэх зорилт тавьж ажиллаж байна.