Хөх орон хүүхдийн цэцэрлэг

Хөх орон хүүхдийн цэцэрлэг нь 2014 оноос хойш эрдэмтдийн олон жилийн судалгаа шинжилгээнд үндэслэн Монголд анхдагч 3 хэмжээст боловсролын хөтөлбөрийг нэвтрүүлсэн. Язгуур Монгол уламжлалт сэтгэлгээг орчин үеийн дэвшилтэт аргазүйтэй хослуулж, олон улсын боловсролын стандартад нийцсэн сургалтын орчин бүрдүүлэн үйл ажиллагаа явуулж байна.

Монгол, Дани, Орос, Итали, Япон, Герман зэрэг улсуудын цэцэрлэгүүдтэй хамтран ажиллаж туршлага солилцож, шилмэл арга зүйгээр сургалтаа баяжуулж байна. Эрдэмтэн, номын мэргэд, хууль зүйн зөвлөх, хоол зүйн мэргэжлийн зөвлөх, сургуулийн өмнөх боловсролын багш нар, сэтгэл судлаач, хүүхдийн эмч, шүдний эмч, театр урлаг, дүрслэх урлаг, балет, хуур, морин хуур, бий биелгээний мэргэжилтнүүд ажиллаж байна. Хүүхэд бүрийн өвөрмөц чанарт нийцүүлж мэдлэг, оюун ухаан, чадвар, бие бялдар, төлөвшил, сэтгэл зүрхэнд өвлүүлэх нөхцөл бүрдүүлэн үйл ажиллагаа явуулж байна.