Айвико ХХК

Айвико ХХК нь 2004 онд Их Британи, Австрали, Тайвань, БНСУ, Монгол улсын хамтарсан хөрөнгө оруулалттай байгуулагдсан. Эрүүл мэндийн салбарт шаардлагатай 30-аад нэрийн судсаар сэлбэх шингэнийг үйлдвэрлэж эрүүл мэндийн байгууллагуудыг тасралтгүй хангаж байна. GMP буюу Үйлдвэрлэлийн Зохистой Дадалын шаардлагыг бүрэн хангасан, ISO 9001 чанарын удирдлагын тогтолцоог нэвтрүүлсэн Монголын анхны судсаар сэлбэх тарилгын шингэний үйлдвэр юм.

АНУ-ийн ROMACO группын Франц дахь салбар IPM компаниас нийлүүлсэн модуль, IPM болон БНСУ-ын FINE F.A.C компаниас нийлүүлсэн тоног төхөөрөмжтэй. 2009 онд FINE F.A.C компанитай хамтран тоног төхөөрөмжийн өргөтгөл хийсний дараа жилийн үйлдвэрлэлийн хүчин чадал 6 сая ширхэгт хүрсэн ба аюулгүй, эмчилгээний өндөр идэвхитэй, чанарын баталгаатай судсаар сэлбэх шингэнээр эрүүл мэндийн байгууллагуудыг хангаж байна.