АйТүүлс ХК

АйТүүлс ХК нь 2011 онд Монгол Улсад мэдээллийн технологийн чиглэлээр үүсгэн байгуулагдсан. 2012 оноос эхлэн домэйн нэрийн бүртгэл, веб хост, сервер байршуулалт, виртуал серверийн түрээс, и-мэйл сервис зэрэг интернет технологид суурилсан бүтээгдэхүүн, үйлчилгээг аж ахуйн нэгж байгууллага, хувь хүмүүст үзүүлж байна. Компани нь чадварлаг ажилчид, чанартай бүтээгдэхүүн үйлчилгээгээр салбарынхаа тэргүүлэх байр суурь олж, 2017 оноос хувьцаат компани болсон.

Үндсэн үйлчилгээний чиглэл болох дата төв нь 30 гаруй нэр төрлийн бүтээгдэхүүн үйлчилгээг зах зээлд нийлүүлж, 7300 орчим харилцагчтай. 2015 онд олон улсын TIER II стандартын шаардлагыг хангасан дата төвийг ашиглалтанд оруулсанаар үйл ажиллагаанд учирч болох эрсдэлийг багасгасан. Компани нь дата төвийн болон бусад үйлчилгээ авч буй байгууллага, хувь хүмүүсийн серверийн хэвийн ажиллагаа, сүлжээний холболт, аюулгүй байдлыг 7/24/365 туршид хангаж ажилласаар байна.