"Мэдээлэл Холбооны Сүлжээ" ТӨХК

«Мэдээлэл Холбооны Сүлжээ» ТӨХК нь 2006 онд үүсгэн байгуулагдаж, 2007 оны 7 дугаар сараас официально үйл ажиллагаа эхлүүлсэн төрийн өмчит компани юм. Монгол улсын нутаг дэвсгэрийг хамарсан мэдээлэл, холбооны үндсэн сүлжээ болох улс, хот хооронд, орон нутгийн дамжуулах байгууламжийн нэгдсэн сүлжээг эзэмшин, тасралтгүй найдвартай ажиллагаа болон ашиглалт үйлчилгээг хариуцаж ажиллаж байна.

Өнөөгийн байдлаар 21 аймаг, 294 сум, суурин газрыг хамарсан 18165 км шилэн кабелийн сүлжээ, 11499 холбооны худаг, 899442 метр урт сувагчлал, 373 технологийн барилга, 353 цамхагтай бөгөөд мэдээлэл харилцаа холбооны үйлчилгээ эрхлэгч, төрийн болон хувийн хэвшлийн 232 байгууллагатай хамтран ажиллаж байна. 1608 мэргэшсэн ажилтантайгаар үйл ажиллагаагаа явуулж, Олон улсын цахилгаан холбооны байгууллага, Ази Номхон Далайн бүсийн цахилгаан холбооны байгууллагын гишүүн байгууллага юм.