Билэгт говь ХХК

Билэгт говь ХХК нь 2011 оны 05 сарын 12-ны өдөр байгуулагдан, Дорноговь аймгийн Хөвсгөл, Мандах сумдын нутагт нүүрс олборлолтын үйл ажиллагаа явуулдаг. Уурхай нь Хөвсгөл сумаас 75 км, Сайншанд сумаас баруун урагш 190 км, Мандах сумаас 110 км, Улаанбаатар хотоос зүүн урагшаа 650 км, Ханги мандал хилийн боомтоос 160 км зайд оршдог ба Ханги мандал хилийн боомт хүртэл сайжруулсан шороон замтай. Үйлдвэрлэлийн нийт нөөц 14 сая орчим тонн бөгөөд олборлолтын хугацаа 10-12 жил юм.

Компани байгаль ба хүнд ээлтэй үйлдвэрлэлийг зорьж, нөхөн сэргээлтийг эхний жилээс явуулж эхэлсэн. Нийт 550 гаруй ажилтантай бөгөөд орон нутгаас боловсон хүчнээ сонгон шалгаруулж авах ба ажилчдын 40 хувийг орон нутгийн иргэд эзэлдэг. Засгийн газраас «Оны шилдэг ажил олгогч» өргөмжлөл, Дорноговь аймгийн ЗДТГ-аас «Аймгийн шилдэг ажил олгогч ААН» өргөмжлөлөөр шагнасан.