"Хөгжил Дэвшлийн Хөтөч" сургалтын төв

«Хөгжил Дэвшлийн Хөтөч» сургалтын төв нь 2005 оны сүүлчээр байгуулагдсан төрийн бус байгууллага бөгөөд байгууллага болон иргэдийн хөгжилд мэргэжлийн зөвлөгөө, сургалт, зөвлөх үйлчилгээ үзүүлдэг. Төвийг байгуулсан хүмүүс нь байгууллагын менежментээр мэргэшсэн, АНУ, Их Британи, Австрали, Герман, Ирланд, Өмнөд Солонгос зэрэг өндөр хөгжилтэй орнуудад сургалтаа өндөршүүлсэн, үндэсний болон олон улсын төслүүдэд ажилласан эрдэмтэн, судлаач, менежеруүд юм. Түүний үйл ажиллагаа бизнес, хүний нөөцийн менежмент, хүний хөгжлийн янз бүрийн хүрээнд Монгол орны хөгжил дэвшилд хувь нэмэр оруулахад чиглэгддэг.