ИХ МАЙДАР САН

ИХ МАЙДАР САН нь 2009 оноос Монгол Улсын Ерөнхийлөгч Цахиагийн Элбэгдоржийн ивээл дор дэлхийн хамгийн өндөр Майдар бурхан, 108 метр өндөр Зарлиг увидасын суварган байгууламж бүхий төслийг хэрэгжүүлж байна. Улаанбаатар хотоос 50 км зайд Төв аймгийн Сэргэлэн сумын Өгөөмөрийн ам газар бүтээгдэж буй энэхүү цогцолбор нь түүх соёлын өвийг түгээн дэлгэрүүлэх, аялал жуулчлалын хөгжлийг дэвшүүлэх, уран барилгын бүтээл болох, нийгмийг гэгээрүүлэх, байгаль орчныг хамгаалах зорилготой байна. Төслийн барилга угсралтад 8.5 тэрбум төгрөгийн хөрөнгө оруулалт хийгдэж байгаа бөгөөд Монгол, Англи, Хятад, Чех, Канад зэрэг улсуудын инженер техникийн байгууллагууд хамтран ажиллаж байна. Төслийн хүрээнд Гандантэгчэнлин хийд, Шинжлэх Ухааны Академи, Монгол Улсын Их Сургууль зэрэг нэр хүндтэй шашны сургалт, эрдэм шинжилгээний байгууллагууд болон бизнесийн байгууллагууд хамтран ажиллаж байна.