Гацуурт ХХК

Гацуурт ХХК нь 1993 онд Гурван гол ХК-ны харьяа компани болж үүсэн байгуулагдсан. 1998 онд бие даасан нэг гишүүнтэй ХХК болон зохион байгуулагдсаны дараа 45 ажиллагсадтайгаар үйл ажиллагаа эхэлсэн. Одоогоор геологи, уул уурхай, газар тариалан, мал аж ахуй, хүнсний үйлдвэрлэл, аялал жуулчлал, барилга, худалдаа, спорт сургууль, телевизийн 9 үндсэн чиглэлд 25 салбар, аж ахуйн нэгжтэйгээр ажиллаж 1000 гаруй хүнийг ажлын байраар хангаж байна.

Тээвэр үйлчилгээ, техникийн засвар, уул уурхайн үйлдвэрлэл, газар тариалан, мал аж ахуйн салбарт үйл ажиллагаа явуулж байгаа нь эдгээр чиглэлд дэлхийн шилдэг үйлдвэрлэгчүүд болох John Deere, Valmont, Grimme, Westeel, BP зэрэг компаниудын техник тоног төхөөрөмжүүдийг Монголд нэвтрүүлэх, үйлчилгээ үзүүлэх, байгаль хамгаалал ба нөхөн сэргээлтийн ажилд анхаарч ажиллаж байна.