Натурал текстайл групп ХХК

Натурал текстайл групп ХХК нь 1981 оны 10 сард ашиглалтанд орсноос хойш дөрөвдөгчин жилийн туршид Монгол улсын томоохон бүтээн байгуулагч компани юм. 2014 онд Натурал Текстайл Групп толгой компанийг байгуулж, Эрдэнэт Хивс ХХК охин компанийн зохион байгуулалтад орсноор хөгжлийн шинэ шатанд гарлаа. Монгол хонины ноосыг боловсруулан жилд 300 орчим шинэ загвараар, 80-100 хувийн хонины ноосон агууламжтай Одод, Эрдэнэт, Юникарпет, Чингис, Хүннү, Атилла зэрэг брэндийн 1,200-1,500 мян. м2 хивс үйлдвэрлэж байна.

Нийт 800 гаруй ажиллагсадтай энэ компани нь дотоодын хивс хивсэн бүтээгдэхүүний хэрэгцээний 75 хувийг ханган нийлүүлэх зэрэгцээ Япон, Герман, Хятад, Австрали, Испани, Иордан, Катар, Казахстан, ОХУ, Швед зэрэг 20 гаруй улс оронд экспортолж байна. ISO 9001:2008 стандартыг хэрэгжүүлсэн Монгол улсын хоёр дахь компани бөгөөд дэлхийн ноосон эдлэлийн хамгийн нэр хүндтэй Woolmark болон Woolmark Blend тэмдгийг эзэмшигч Монголын анхны компани юм. Улаанбаатараас 400 км зайтай Эрдэнэт хотоос үйл ажиллагаа явуулж байна.