"Дархан Минж" ХХК

«Дархан Минж» ХХК нь 1992 оноос эхлэн Монгол Улсын арьс ширний үйлдвэрлэлийн салбарт үйл ажиллагаа явуулж байна. Дархан хотод арьс боловсруулах үйлдвэр, Улаанбаатар хотод оёдлын үйлдвэртэй бөгөөд жилд 250,000 ширхэг хонины нэхийг анхан шатнаас эцсийн боловсруулалт хийх, мөн 20,000-35,000 ширхэг нэхий дээл, савхин хувцас, гутал, бусад нэхий эдлэл үйлдвэрлэж байна. Орчин үеийн техник, технологийн тусламжтайгаар монгол хонины нэхийг хагас болон 100% бүтэн боловсруулах, бэлэн гадуур хувцас, ажлын болон тусгай зориулалтын хувцас үйлдвэрлэн борлуулахаас гадна нэхий эдлэлийн цэвэрлэгээ ба нөхөн сэргээлтийн үйлчилгээ эрхэлж байна. Чанар стандартын шаардлага хангасан нэхий дээл, нэхий эдлэл, савхин хувцас, арьс ширэн бүтээгдэхүүнийг дотоод болон гадаадын зах зээлд худалдаалж байна.