Кашмер Холдинг ХХК

Кашмер Холдинг ХХК нь Монголын хамгийн анхны ноос боловсруулах үйлдвэр болох Ээрмэл ХК-ийн 100%-н хөрөнгө оруулалтаар байгуулагдсан. Дэлхийд гайхагдсан монгол ямааны ноолуур, тэмээний ноосыг боловсруулж, дээд зэргийн чанар, загварын өргөн сонголт бүхий бэлэн хувцсыг үйлдвэрлэн үйлдвэрчилж байна. 5000 гаруй нэр төрлийн бүтээгдэхүүнийг зах зээлд танилцуулсан бөгөөд 2001–2004 онуудад дараалан шилдэг бүтээгдэхүүний шагнал авч, 2005 онд МҮХАҮТ-аас Шилдэг 10 аж ахуйн нэгж, Ноос ноолуурын салбарын шилдэг бүтээгдэхүүнээр өргөмжлөгдөв. ГОЁЛ-2007, ГОЁЛ-2009 наадмаас шилдэг дизайнер, Гран-при шагнал, 2010 онд Үндэсний шилдэг экспортлогч зэрэг төр, нийгмийн нэр хүндтэй шагналуудыг хүртсэн нь бүтээгдэхүүний чанар, дизайн, чадварын илэрхийлэл болно.