Билгүүн Тулга Авто Сургууль

Билгүүн Тулга Авто Сургууль нь 1994 онд байгуулагдсан. Чингэлтэй дүүргийн 3 дугаар хорооны ХХ-ний 2-р байрны 1 болон 6 тоотод хичээлийн байр, Баянзүрх дүүргийн 22-р хороо дахь Ой 1-р баазын хашаанд авто дром байрладаг. В, ВС, Д, Е ангиллаар тээврийн хэрэгслийн жолоочид бэлтгэх сургалт явуулдаг. Өнгөрсөн хугацаанд 21500 гаруй жолооч 95–100 хувийн амжилттай төгсөгсөн. Нийт 25 багш ажиллагсад, В ангиллаар 16 ширхэг Верна, Аксент маркийн машин, ВС ангиллаар 1 ширхэг Зил-130 маркийн машин, Д ангиллаар Лаз-695 маркийн автобус зэрэг 18 сургалтын машин ашиглаж байна. Замын Цагдаагийн Газар, Авто Сургуулиудын Сургалт Арга Зүйн Төв, Монголын Авто Сургууль Курсуудын Нэгдсэн Холбооноос явуулдаг үнэлгээнд 2000 онд «Оны тэргүүний авто сургууль», 2001 онд «Оны хошой аварга авто сургууль», 2002–2004 онд «Шилдгийн шилдэг авто сургууль» өргөмжлөл, 2005 онд Топ-3 сургуулийн нэгээр, 2007 онд «Итгэмжлэгдсэн авто сургууль»-аар шалгарсан.