"Асрал" ХХК

«Асрал» ХХК нь Мөнх Ногоон Амьдрал ТББ-аас санаачлан явуулж буй «ЭКО БИРЖ» төслийг хэрэгжүүлж ажиллаж байна. Энэ ЭКО БИРЖ нь цэцэрлэгжүүлэл, ногооруулалт, байгаль орчны хамгаалал, нөхөн сэргээлтийн чиглэлээр үйл ажиллагаа явуулдаг аж ахуйн нэгж, иргэд, байгууллага, нөхөрлөлүүдийн тарьц, суулгацыг зах зээлд нийлүүлэх сонирхол, хэрэгцээг хангах зорилгоор нийлүүлэгчдийн мэдээллийг нэгтгэж, сонирхогч талуудыг мэдээллээр хангаж, зуучилж байна. Эко бирж нь зуучлагчийн үүрэг гүйцэтгэлтэйгээр нийлүүлэгчийн үнийн саналаар бүтээгдэхүүнийг худалдан авагчид зуучлан борлуулдаг бөгөөд ашиг олох зорилгоор үнэ өөрчлөхгүй тул бодитой, хямд үнийг санал болгодог. Зуучлалын чиглэл: тарьц, суулгац; үр, үрсэлгээ; багаж, тоног төхөөрөмж; бордоо; зоорийн үйлчилгээ.