Акума Эрин ХХК

Акума Эрин ХХК нь 1992 онд үүсэн байгуулагдаж, автомашины сэлбэг, аккумулятор, уул уурхай болон үйлдвэрлэлийн тоног төхөөрөмжийн тос тосолгооны материалыг ОХУ, Чех, БНСУ-аас импортлон нэвтрүүлэх замаар үл ажиллагаагаа эхлүүлсэн. 1998 оноос БНСУ-ын LG корпорацийн тос тосолгооны бүтээгдэхүүний Монгол улс дахь албан ёсны дистрибютрээр ажиллаж байна. 2005 оноос LG корпорацийн нефтийн салбар GS oil болж өргөжсөнтэй холбогдуулан GS oil-ийн Монгол улс дахь онцгой эрхт борлуулагчаар үргэлжлүүлэн үйл ажиллагаа явуулж байна.

Монгол улсын зах зээлд автомашины тос тосолгооны бүтээгдэхүүн, аккумулятор, сэлбэг хэрэгслийг импортлож нэвтрүүлсэн анхдагч компаниудын нэг буюу үүнийг бөөний болон жижиглэнгийн хэлбэрээр Улаанбаатар, Дархан, Эрдэнэт хотууд болон бүс нутгийн төв, орон нутгуудад салбар нэгжүүдээрээ дамжуулан борлуулдаг. Уул уурхай, үйлдвэрлэлийн компаниудад тос тосолгооны бүтээгдэхүүн ханган нийлүүлэх ажил, автомашины тосолгоо үйлчилгээ эрхэлдэг есөн үйлчилгээний газар ажиллуулж байна.