Эрхэт Монгол Групп

Эрхэт Монгол Групп нь 1996 онд байгуулагдсан бөгөөд 2002 оноос «Зиндаа» сонин тогтмол хэвлэгдэж эхэлснээр медиа группийн суурь тавигдсан. Өнөө үед ТВ8 телевиз, Монголын хамгийн олон хуудастай Зиндаа сэтгүүл, Zindaa.mn, Breakingnews.mn, Factnews.mn, Grandnews.mn зэрэг мэдээллийн сайтууд, Өглөөний сонин, Толь сонин, «Хүүхдийн нэвтэрхий толь» сэтгүүл, Чингис агентлаг, Гранд сэтгүүл зэрэг хэвлэл мэдээллийн хэрэгслүүд үйл ажиллагаа явуулдаг. Нийт 120 гаруй сэтгүүлч, уран бүтээлч ажилладаг.

Zindaa.mn сайт нь 2011 онд байгуулагдсан Монголын анхны мэргэжлийн редакц бүхий өргөн мэдээллийн сайт бөгөөд 22 сэтгүүлчээр 24 цагийн турш мэдээ түгээдэг. Уншигчдын тоо, нэвтрүүлэлтээр Монголын эхний гуравт эрэмбэлэгддэг. Мультимедиа контент боловсруулж, видео, аудио, текст, инфографик хэлбэрээр нийтэлдэг. Монголын 21 аймгийн мэдээллийг түгээхийн зэрэгцээ англи, орос хэлээр « Chinggis.info » дэд сайтаар дэлхий нийтэд үзүүлдэг. Олон улсын видео мэдээллийн Ruptly агентлагтай хамтран ажиллаж байна.

Зиндаа сэтгүүл нь 2016 оноос A4 форматын 280 нүүр, 20 гаруй булантайгаар улирал тутамд хэвлэгддэг. 2017 онд Монгол улсын шилдэг сэтгүүлийн шагналыг хүртсэн. Үндэсний ухамсар, соён гэгээрүүлэг сэргээн хадгалах зорилготой ажилладаг.

ТВ8 телевиз нь 2006 онд байгуулагдсан Монгол улсын өргөн нэвтрүүлгийн телевизүүдийн нэг бөгөөд 2019 оноос Эрхэт Монгол группийн харъяанд үйл ажиллагаа явуулж байна. Full HD форматаар эфирээ цацаж, 50 орчим уран бүтээлчээр ажилладаг.

Өглөөний сонин нь 2006 оноос үйл ажиллагаа явуулж, 2019 оноос Эрхэт Монгол группт харъяалагдав. Монголын өдөр тутмын сонинуудын дундаа эхний тавд тогтмол бичигдсээр ирсэн.

Гранд сэтгүүл нь 2010 оноос худалдаанд гарсан сар тутам 60-72 нүүрээр хэвлэгддэг чөлөөт, фото мэдээллийн сэтгүүл бөгөөд 2020 оноос Эрхэт монгол группийн харъяанд ажилладаг.