Үзэгт дэлгэр ХХК

Үзэгт дэлгэр ХХК нь байгаль орчноо хамгаалах, экологийн тэнцвэрт байдлыг алдагдуулахаас сэргийлэх, хөрс агаарын бүтцийг хэвийн байлгахад хувь нэмэр оруулахаар техникийн болон биологийн нөхөн сэргээлт хийх ажилд оролцож ирсэн. Байгаль, Орчин, Аялал Жуулчлалын сайдын 2018 оны 3-р сарын 28-ний өдрийн А/74 тушаалаар газрын хэвлийн нөхөн сэргээлтийн тусгай зөвшөөрөл бүхий байгаль орчны мэргэжлийн байгууллага болоод ажиллаж байна.

2018 оноос эхлэн Сэлэнгэ аймгийн Зүүн бүрэн суманд техникийн нөхөн сэргээлт, Ерөө сумын Харганатын голын баруун салаа болон Ялбагийн хөндийн уул уурхайн нөлөөгөөр эвдэрсэн газарт нөхөн сэргээлт хийж ирсэн. 2024 онд Өмнөговь аймгийн Ханбогд суманд техникийн нөхөн сэргээлт ажлыг гүйцэтгэсэн бөгөөд Баян-Овоо суманд жилд 500,000 мод үржүүлэх хүчин чадалтай мод үржүүлгийн газар байгуулах үйл ажиллагаа явуулж байна.