Түмэн Сант трейд ХХК

Түмэн Сант трейд ХХК нь 1999 онд Улаанбаатар хотноо байгуулагдаж, 2002 онд барилгын угсралтын ажил гүйцэтгэх тусгай зөвшөөрөл авснаас хойш барилгын салбарт үйл ажиллагаа явуулж байна. Шилдэг инженер техникийн ажилтан, туршлагатай ажилчдын багаас бүрдсэн компани нь барилгын угсралтын ажилд шаардлагатай багаж тоног төхөөрөмжөөр бүрэн хангагдсан.

Ерөнхий инженер Б.Өлзий, ШУТИС-ын багш доктор, профессор Я.Дүйнхэржав, зөвлөх инженер Г.Гантөмөр, төрийн шагналт архитектор Н.Лувсандорж нар компанид ажилладаг. Баянмонгол хороолол орн сууцны барилга, Японы ЭСЯ, Цэцэг зочид буудлын их засвар, Номин холдинг ХХК-ий дэлгүүр зэрэг барилга обьектуудыг амжилттай хүлээлгэн өгсөн. Компани нь төрөл бүрийн хийц шийдэл бүхий барилга байгууламжийг чанарын өндөр түвшинд барьж өгөхөөс гадна мэргэжлийн хяналт, зөвөлгөө өгөх үйлчилгээ үзүүлдэг.