Санхүү Эдийн Засгийн Их Сургууль

Санхүү Эдийн Засгийн Их Сургууль нь Улаанбаатар хотын төвд байрлах ууган сургуулиудын нэг юм. 1924 онд Гаалийн түр сургууль нэрээр байгуулагдсаны дараа сургууль нь улс орны хэрэгцээ шаардлагын дагуу нягтлан бодох бүртгэл, банк, санхүү, татвар, даатгалын салбарт хөгжин өргөжиж, 1935 онд техникумын сургууль, 1946 онд техникум, 1991 онд коллеж, 1996 онд дээд сургууль болж шинэчлэгдэж ирсэн.

90 гаруй жилийн хугацаанд материаллаг баазыг сайжруулж, сургалтын орчныг бүрдүүлэн, шинэ мэргэжил ба хөтөлбөр хэрэгжүүлэх замаар олон улсад хүлээн зөвшөөрөгдсөн их сургууль болох үйлсийг хангаж ирсэн. СЭЗИС нь Өмнөд Солонгос, Хятад, АНУ, Тайван, Их Британи, ОХУ зэрэг орнуудын их сургуулиудтай хамтын ажиллагааны гэрээтэй ажилласан бөгөөд 2+2 хөтөлбөр хэрэгжүүлдэг.