Ти энд жи ХХК

Ти энд жи ХХК нь 1996 онд байгуулагдан барилгын зураг төслөөс эхлэлтэй, өнөөдөр барилга хот байгуулалтын зураг төсөл, зөвлөх үйлчилгээ, барилгын материалын импорт худалдаа, зочид буудал гэсэн хэд хэдэн салбарт үйл ажиллагаа явуулдаг. 60 гаруй ажилтантай энэ компани нь Монголын барилгын салбарт нэр хүндтэй хувийн үйлсийн нэгэн болжээ.

Зураг төслийн чиглэлээр нийслэл болон хөдөө орон нутагт баригдах 300 орчим барилга, хот байгуулалтын төслийг боловсруулсан бөгөөд үүний 70 орчим хувь нь бүтээгдэж ашиглагдаж байна. Баатарван амралт сувилал, Голомт хотхон, Буянт-Ухаа спорт цогцолбор, Хаан банк офис, Оюутолгой, Тавантолгойн уурхайн байгууламж зэрэг олон төслийг хэрэгжүүлсэн.

Hoermann компанийн Монгол дахь албан ёсны дистрибютор болоод 2007 оноос эхлэн металл хаалга нийлүүлэх, угсрах үйлчилгээг үзүүлж байна. Дээврийн материалын салбарт AHI Roofing, Feroof, Plast Dach болон бусад компанийн бүтээгдэхүүнийг албан ёсны дистрибютор эрхтэйгээр борлуулж, угсралтын ажлыг хэрэгжүүлдэг.

New West зочид буудал нь 2008 онд Баянгол дүүргийн 10-р хороололд 30 өрөө бүхий 3 одны зэрэглэлтэйгээр байгуулагдан үйл ажиллагаа явуулж байна.