Сүхбаатар дүүргийн Эрүүл мэндийн төв

Сүхбаатар дүүргийн Эрүүл мэндийн төв нь 1970 онд «Хүүхдийн 2-р эмнэлэг» нэртэйгээр үүсгэн байгуулагдсан төрийн үйлчилгээний байгууллага бөгөөд хүн амд эрүүл мэндийн 2 дахь шатлалын тусламж үйлчилгээ үзүүлж байна. 7 алба, 15 тасаг клиниктэйгээр Сүхбаатар дүүргийн 140,000 хүн амд 28 төрлийн эмнэлгийн болон нийгмийн эрүүл мэндийн тусламж үйлчилгээг зөвлөх поликлиник, амбулатори, сувиллын газраараа хүргэн үйлчилж байна.

Байгууллагад ажиллаж буй 250-аад эмч, эмнэлгийн мэргэжилтнээс 36.1% нь мэргэжлийн зэрэг цол, 95% нь нарийн мэргэжлийн ур чадвартай. Эрүүл мэндийн төв нь үйл ажиллагаа, тусламж үйлчилгээний үзүүлэлтийн үнэлгээгээр улсын түвшинд 2 удаа, нийслэлийн түвшинд 4 удаа, дүүргийн түвшинд 5 удаа шилдэг байгууллагаар шалгарсан, мөн «Эхэд ээлтэй», «Ахмадад ээлтэй», «Шилдэг татвар төлөгч», «Хүний төлөө медальт», «Нийслэлийн шилдэг тохижилттой байгууллага» зэрэг дээдлэх ёсолгоо хүртээ байна.