"Шивээ-Овоо" ХК

«Шивээ-Овоо» ХК нь Улаанбаатар хотоос зүүн урагшаа 260 км-т Говьсүмбэр аймгийн Шивээговь сумын нутагт оршиж, Улаанбаатар-Бээжингийн олон улсын төмөр замын дэргэд далайн түвшинөөс 1180–1230 метрт байрладаг. Уг ордын талбай нь 29500 га, нүүрсний нөөц 2,708.7 сая тонн бөгөө Шинэ-Ус, Өехийн цагаан, Ногоон тойрмын гурван хэсгээс бүрдэнэ. Х-3 бүлгийн хүрэн нүүрсний ангилалд хамаарагдах энэ уурхай 1990 оноос үйл ажиллагаа явуулж, одоогийн байдлаар жилд 2.0 сая тонн нүүрс олборлон борлуулдаг ба 4.5 сая тонн олборлолтонд шилжихэд бэлтгэж байна. Уг уурхайн хөгжилтэй холбогдуулан Шивээговь сум 1989 оноос хөгжиж, одоо 3500 хүнтэй дэд бүтэц, соёл, боловсрол, эрүүл мэнд, худалдаа, үйлчилгээ төвтэй суурин болж хамгаалагдсан байна.