Хөдөлмөр хамгаалал хүний хөгжлийн төв

Хөдөлмөр хамгаалал хүний хөгжлийн төв нь 2004 онд байгуулагдаж, Улаанбаатар хотод үйл ажиллагаа явуулдаг. Аж ахуйн нэгж, байгууллагын ажил олгогч, ажилтан нарт хөдөлмөр, хөдөлмөрийн аюулгүй байдал, эрүүл ахуйн хууль тогтоомжийн хэрэгжилтийг байгууллага дээр ханган ажиллахад туслах сургалт, үйлчилгээг үзүүлэх зорилгоор үүсгэн байгуулагдсан. 2005 онд мэргэжлийн чиг баримжаа олгох сургалт, 2007 оноос хөдөлмөр эрхлэлтийн үйлчилгээ эхлүүлэв. 2010 онд 218 аж ахуйн нэгжүүдтэй хамтран ажиллаж, үйл ажиллагааны цар хүрээг нийслэлээс гадна орон нутагт өргөжүүлсэн. Төвийн сургалт Хөдөлмөрийн яамнаас баталсан 20/460 тоот мэргэжлийн сургалт явуулах гэрчилгээтэй, төгсөгч нарт НХХ-ийн сайдын нэрэмжит гэрчилгээ олгодог. Үйл ажиллагааны чиглэл: ажлын байраар зуучлах, мэргэжлийн зөвлөгөө өгөх, хөдөлмөрийн хууль тогтоомж, аюулгүй ажиллагааны сургалт, эрсдлийн үнэлгээ, дотоод хяналтын аргачлал, байгууллагын дээд түвшний үйл ажиллагаатай холбоотой зөвлөгөө үйлчилгээ.