Орхон-Энхбүтэмж ХХК

Орхон-Энхбүтэмж ХХК нь 1999 онд үйл ажиллагаагаа эхэлсэн бөгөөд Орхон аймаг Баян-Өндөр сум, Зэст баг Хойд дугуйд байрлаж байна. 2001 онд ОХУ-с жижиг оврын тоног төхөөрөмж оруулж ирээд бүтээгдэхүүний төрөл зүйлийг нэмэгдүүлсэн. 2011-2013 онд ажилчдын бүтээмжийг сайжруулах зорилгоор тоног төхөөрөмжөө орчин үеийн үйлдвэрлэлийн үзүүлэлтээр бүрэн шинэчлэн, хөргөлтийн системийг өргөтгөсөн.

Одоогийн байдлаар ОХУ, Хятад, Герман зэрэг орны тоног төхөөрөмжөөр тоноглогдсон компани нь өдөрт 5-6 тонн бүтээгдэхүүн үйлдвэрлэх чадвартай. Хиам, чанамал хиам, утсан мах, бууз, банш, стейк зэрэг 30-аад нэр төрлийн боловсруулсан бүтээгдэхүүн үйлдвэрлэн Орхон, Булган, Хөвсгөл аймгуудын ард түмний хүнсний хэрэгцээг хангаж байна.