Олборлолт ХХК

Олборлолт ХХК нь 2013 оны 10-р сард Очир Ундраа Группын салбар компани болон үүсэн байгуулагдсан уул уурхайн ашигт малтмалын олборлолтын үйлчилгээ үзүүлэх компани юм. Группын геологи, хайгуул, тэсэлгээ, нөхөн сэргээлт, кейтеринг зэрэг салбар компаниудтайгаа хамтран уул уурхайн иж бүрэн ажил үйлчилгээг үзүүлдэг. Олборлолт, инженеринг, авто замын ажил, байгаль орчны нөхөн сэргээлтийн үйл ажиллагаа явуулж байна. 2015 оноос Зоолуухарын алтны шороон ордын хөрс хуулалт, ачилт, тээвэрлэлт, баяжуулалтын ажилд ажиллаж байгаа бөгөөд алт, нүүрс, зэс зэрэг ордуудад геологийн хайгуул, судалгаа хийж байна.

Компани ажилтнуудын эрүүл мэнд, аюулгүй байдлыг тэргүүнд баримтлан үйл ажиллагаа явуулж, дэлхийд шалгарсан техник, технологи, удирдлагын стандартыг нэвтрүүлж байна.