Ньюпрогресс Групп ХХК

Ньюпрогресс Групп ХХК нь 2000 онд дэд бүтэц, бүтээн байгуулалтын салбарт үйл ажиллагаагаа эхлүүлсн. Орон сууцны барилга угсралт, үйлдвэрийн барилга угсралт, эрчим хүчний барилга угсралт, хүнд болон хөнгөн үйлдвэрлэл, газрын тосны худалдаа, хүнсний үйлдвэрлэлийн салбарт үйл ажиллагаа явуулдаг 10-аад охин компани, 1500 гаруй ажилтантай үндэсний томоохон бүтээн байгуулалтын групп юм. Алтайн зам ХК авто зам, гүүрний бүтээн байгуулалтанд арвин түүхтэй. 2014 оноос Ховд аймгийн Хөшөөтийн уурхайд хөрс хуулалт, нүүрс олборлолтын төслийн гүйцэтгэгчээр үйл ажиллагаагаа өргөжүүлж, 659 үндсэн ажилтан болон 300 орчим гэрээт ажилтан, туслах хүчинтэй ажилладаг. Ажилтны 90-ээс дээш хувийг орон нутгийн иргэдээр бүрдүүлсэн хүний нөөцийн бодлого баримталдаг.

Алтай трест ХХК эрчим хүчний барилга угсралтанд 30 гаруй жилийн туршлагатай, баруун бүсийн эрчим хүчний нэгдсэн системийг байгуулахад 3100 км урттай цахилгаан дамжуулах агаарын шугам, 80 дэд өртөө барьж байгуулсан. Вестерн Холд ХХК Ховдын эко цементийн үйлдвэр барьж жилдээ 300,000 тн портланд цемент үйлдвэрлэдэг. Эй Жи Жи Эс ХХК 2018 онд байгуулагдан барилга бүтээн байгуулалт, үл хөдлөх хөрөнгийн менежментийн салбарт ажиллаж, Хан Төгөл ба Green Garden Residence зэрэг төслүүдийг гүйцэтгэж байгаа. Булган мах маркет ХХК Булган аймагт жилдээ 15,000 тн мах, махан бүтээгдэхүүн боловсруулах хүчин чадалтай, ISO, HALAL, HACCP стандартуудыг дагалдан үйл ажиллагаа явуулдаг. Ховдын өргөө ХХК барилга урсгалт, барилгын материал үйлдвэрлэл, бетон завод, механик арматур үйлдвэрлэлээр үйл ажиллагаа явуулж, жилдээ 6500 м2 барилга байгууламж барьж гүйцэтгэдэг. Эн Пи Петролиум ХХК газрын тосны бүтээгдэхүүний импорт, бөөний болон жижиглэн худалдаа эрхлэлд тусгай зөвшөөрөлтэй ажилладаг. Нью минерал ХХК Ховдод авто замын түүхий эд, бетон зуурмаг үйлдвэрлэлээр орчин үеийн технологи ашиглан үйл ажиллагаа явуулдаг.