Үндэсний Техникийн Их Сургууль ҮТИС

Үндэсний Техникийн Их Сургууль ҮТИС нь 1997 онд САНКО коллежийн нэрээр үүсгэн байгуулагдаж, 2016 онд одоогийн нэрээ авсан боловсролын байгууллага юм. Сургууль нь техник технологийн салбарт мэргэжлийн боловсрол олгож, багшийн мэдлэг, лабораторийн тоног төхөөрөмж, үйлдвэрлэлийн дадлагын нөхцөлийг байнга сайжруулан ажилладаг. 2006 онд магадлан итгэмжлэгдэж, 2014 онд ахисан шатанд магадлан итгэмжлэгдсэн. 2012 онд 1000 сургалтын суудалтай 5 давхар хичээлийн байрыг эхлүүлсэн бөгөөд сүүлийн жилүүдэд хичээлийн байруудыг өргөжүүлэн барьж байна. 2017 онд Евро-Монгол инженерийн боловсролын модернизацийн төслийн хүрээнд Европын холбооны Эрасмус+ хөтөлбөрт шалгарч, Болгар, Герман, Итали, Франц зэрэг улсын их сургуулиудтай хамтран ажиллаж байна.