Нар-Урт ХХК

Нар-Урт ХХК нь «Монполимет групп»-ийн охин компани бөгөөд 2005 онд үүсгэн байгуулагдсан. Аж ахуйн үйл ажиллагааны тусгай зөвшөөрлийн хуулийн дагуу барилга угсралт (2.1.4, 2.2.1, 2.2.2) болон барилгын зураг төслийн (1.2.2, 1.2.3) чиглэлээр үйл ажиллагаа явуулдаг үндэсний бүтээн байгуулагч компани юм. Улаанбаатар хот болон хөдөө орон нутгийн захиалагчдын эрэлтийг хангах өнгө үзэмж, чанар, технологийн шаардлагад нийцсэн барилгын төслүүдийг амжилттай хэрэгжүүлж ирсэн.

Мужаан, засал чимэглэл, цахилгаан, холбоо дохиолол, сантехникийн чиглэлээр сайн дэвшилтэй инженер техникийн ажилтнуудаас бүрдсэн 50 гаруй үндсэн ажилтан болон 20 гаруй туслан гүйцэтгэгч компаниудтай хамтран ажиллаж, 100 гаруй хүнийг ажлын байраар хангаж байна. Барилгын салбарын дүрэм, журам, стандарт, аюулгүй ажиллагааны шаардлагуудыг мөрдөж, чанарыг эрхэмлэн үйл ажиллагаа явуулж байна.