"Монос Фарм" ХХК

«Монос Фарм» ХХК нь 1990 онд хувийн хэвшлийн анхдагч эмийн үйлдвэр болон байгуулагдсан Монголын ууган эмийн үйлдвэрүүдийн нэг юм. Хүмүүний эрүүл мэндийг дэмжих эмчилгээний өндөр идэвхт бэлдмэл үйлдвэрлэлийн өндөр чанарыг эрхэмлэн 100 гаруй эм бэлдмэлийг шахмал, капсул, нунтаг, түрхэц, цацлага, шингэн болон бусад хэлбэрээр үйлдвэрлэдэг. Үүний 30 гаруй нэр төрөл нь компанийн брэнд бүтээгдэхүүн бөгөөд 25 гаруй нэр төрлийн эм нь МУ-ын зайлшгүй шаардлагатай эмийн жагсаалтанд багтдаг. Дархлаа сэргээх Салимон болон шүдний тулгуур Дентамон бэлдмэлүүд Монгол Улсын төрийн шагнал хүртсэн.

Үйлдвэрлэл нь МУ-ын MNS:5524, ISO:9001, ДЭМ-ийн GMP стандартуудын дагуу явагддаг. Чанарын хяналтын итгэмжлэгдсэн лаборатори MNS/ISO 17025 стандартын дагуу шинжилгээг орчин үеийн тоног төхөөрөмжөөр явуулдаг. Экспорт үйлдвэрлэлийн зорилгоор ДЭМ-ийн хүлээн зөвшөөрөгдсөн GMP-ийн стандартад нийцсэн цогцолбор Европын Сэргээн Босголтын Банктай хамтран байгуулж байгаа бөгөөд Нефромон брэнд 2014 онд ОХУ-д худалдаанд гарчээ. 1996 онд байгуулсан эрдэм шинжилгээний төв өнөөдөр Эм Судлалын Хүрээлэн болором өргөжөөд шинэ эмийн технологи, фармакологи, ховор ургамлын тарималжуулалт, генефондын хамгаалалт, фитохимийн судалгаа явуулдаг. Нийтдээ 200 гаруй ажиллагсдын 70% нь мэргэжлийн зэрэг, цолтой боловсон хүчин байна.