Монгол Улсын Хүүхэлдэйн театр

Монгол Улсын Хүүхэлдэйн театр нь 1948 оны 7 дугаар сарын 17-нд Х.Чойбалсангийн санаачлагаар Сайд нарын Зөвлөлийн 203 дугаар шийдвэрээр байгуулагдсан. Эхний жилүүдэд хуруун ба таягт хүүхэлдэйгээр голлон үйл ажиллагаа явуулж байсан бол өнөө үед өнгөт сүүдэр, хавтгай, утсан хүүхэлдэйн олон төрөл техникийг эзэмшиж, үндэсний болон дэлхийн сонгодог хүүхдийн зохиолуудаас түүвэрлэн авч тайзнаа сэргээж байна. 2009 оноос 31 уран бүтээлчээр ажиллаж байгаа театр нь хүүхэлдэйн жүжигээс гадна төрсөн өдрийн баяр, анги хамт олны тэмдэглэлт баяр, сонгодог баярын арга хэмжээг мэргэжлийн түвшинд зохион байгуулж, тайзны түрээс, уран бүтээлчдийн захиалгат тоглолт гэх мэт үйлчилгээ үзүүлж байна. Гэрэл, дуу, сахилгат үйлчилгээ болон боловсролын үнэ цэнийг нэгтгэж бяцхан үзэгчдийн хүсэл сонирхол, гоо зүй, танин мэдэхүй, хүмүүжилд нийцсэн орчны стандартыг хэвшил болгох зорилготой ажиллаж байна.