Монголын Үйлдвэрчний Эвлэлийн Холбооны дэргэдэх Хөдөлмөр, нийгмийн харилцааны дээд сургууль

Монголын Үйлдвэрчний Эвлэлийн Холбооны дэргэдэх Хөдөлмөр, нийгмийн харилцааны дээд сургууль нь 1993 оноос хөдөлмөр, нийгмийн харилцааны чиглэлээр дээд боловсролын сургалтыг явуулж байна. Бакалаврын түвшинд Хөдөлмөрийн эдийн засаг, Хөдөлмөрийн эрүүл мэнд, аюулгүй байдал, Бизнесийн эдийн засаг, Хүний нөөцийн менежмент, Санхүүгийн менежмент, Нягтлан бодох бүртгэл, Нийгмийн ажил мэргэжлийн хөтөлбөрүүдийг, магистрын түвшинд Хөдөлмөрийн эдийн засаг, Хөдөлмөрийн эрүүл мэнд, аюулгүй байдал хөтөлбөрийг өдөр, орой, эчнээ, хос хавсарга хэлбэрээр явуулж байна.

Сургууль ISO 9001:2015 болон ISO 21001:2018 стандартын шаардлагыг хангасан бөгөөд Боловсролын Магадлан Итгэмжлэлийн Үндэсний Зөвлөлөөс 2026 он хүртэл 3 дахь удаагаа ахисан түвшинд магадлан итгэмжлэгдсэн. Улаанбаатар хотын төвд байршилтай, өөрийн хичээлийн байр, оюутны дотуур байр, биеийн тамирын заал, цайны газартай. Сургууль Увс аймагт салбар сургуултай бөгөөд түүний төгсөгчид төрийн байгууллага, банк, санхүү, бизнес байгууллага, аж ахуйн нэгжүүдэд ажиллаж байна.