Мон-Энержи Консалт ХХК

Мон-Энержи Консалт ХХК нь 2003 онд эрчим хүчний барилга байгууламжийн зураг төсөл, зөвлөх үйлчилгээ үзүүлэх зорилгоор байгуулагдсан. Эрчим хүчний хэмнэлт, үр ашиг, цахилгаан дулаан хангамж, менежмент, барилга хот байгуулалт, дэд бүтэц, байгаль орчны хамгаалалтын салбарт үйл ажиллагаа явуулж байна. Засгийн газар болон Азийн хөгжлийн банк, Дэлхийн банк, Европын сэргээн босголтын банк, JBIC, JICA, НҮБ, GTZ, KfW зэрэг олон улсын байгууллагуудын санхүүжүүлсэн 140 гаруй төсөл, судалгаа хэрэгжүүлсэн. 2011 онд Мон-Энержи Корпораци ХХК-г байгуулж иргэний болон эрчим хүчний барилга байгууламжийн угсралт, засвар үйлчилгээ эхлүүлсэн. 2016 онд MNS ISO 9001:2010 стандартыг нэвтрүүлж, 2017 онд эрчим хүчний аудитын магадлан итгэмжлэл авсан анхны компани болсон. Гадаадад БНХАУ, Төв Ази, ОХУ, Украин, Казакстан дахь дулаан цахилгаан станцуудын шинэчлэлт, үр ашгийг дээшлүүлэх төслүүдэд олон улсын зөвлөхөөр оролцож ажилласан.