Метан газ ресурс ХХК

Метан газ ресурс ХХК нь Тавантолгойн ордын нүүрсний давхаргын метан хийн эрлийн ажлыг гүйцэтгэж байна. Засгийн газрын 2018 оны 42 дугаар тогтоолоор батлагдсан Монгол улсын Гурван тулгуурт хөгжлийн бодлого болон газрын тосны эрэл хайгуулын ажлыг эрчимжүүлэх, нөөцийг өсгөх, агаарын бохирдлыг бууруулах, экологийн цэвэр түлшний хэрэглээг нэмэгдүүлэх зорилгоор шатдаг хийн салбарыг хөгжүүлэхтэй холбогдуулан байгуулагдсан. Монгол улсын төрийн өмчит Эрдэнэс метан ХХК болон Австралийн хөрөнгө оруулалттай Жэйд метан ХХК хамтран Метан газ ресурс ХХК-ийг үүсгэн Тавантолгойн ордын метан хийн нөөцийг тогтоож ашиглалтад оруулах ажилтай үйл ажиллагаа явуулж байна.