Үндэсний мэдээллийн МОНЦАМЭ агентлаг

Үндэсний мэдээллийн МОНЦАМЭ агентлаг нь 1921 онд Монголын цахилгаан мэдээ (МОНТА) нэртэй байгуулагдсан мэдээллийн ууган байгууллага бөгөөд тасралтгүй үйл ажиллагаагаа явуулж ирсэн. Монгол Улсын төр, засгийн удирдлага болон төв байгууллагуудыг улс орны дотоод амьдралын шуурхай мэдээллээр, гадаад ертөнцийн үйл явдлын мэдээллээр хангадаг. Мөн Монгол Улсын гадаад ба дотоодын бодлого, үйл явдал, хөгжил дэвшлийг гадаадад мэдээлж, сурталчилан таниулдаг.

Агентлаг нь Азийн болон Номхон далайн бүс нутгийн мэдээллийн агентлагуудын нэгдсэн байгууллага (ОАНА)-ын гишүүн байршил, ИТАР-ТАСС, Рейтерс, Синьхуа, ЁНАП, Азертак, Казинформ зэрэг олон улсын мэдээллийн агентлагуудтай хамтран ажиллаж байна. Улаанбаатар, 21 аймаг, Москва, Бээжинд байнгын сурвалжлагчтай, өдөр тутам монгол, англи, орос, хятад, япон хэлээр www.montsame.mn сайтаар мэдээлэл түгээдэг. Гэрэл зургийн студи, мэдээллийн төв, хэвлэх үйлдвэр гэх мэт үйлчилгээ үзүүлдэг.