Хургатай хайрхан

Хургатай хайрхан нь Хөвсгөл аймгийн Цэцэрлэг сумд Овоот коксжих нүүрсний цогц төслийг хэрэгжүүлж байгаа Монгол Улсын хуулийн дагуу байгуулагдсан компани бөгөөд Австралийн Хөрөнгийн биржид бүртгэлтэй Аспайр компанийн 100 хувийн хөрөнгө оруулалттай юм. Овоот төсөл нь олборлолт, баяжуулалт, тээвэр, дэд бүтцийн цогц шийдлийг багтаасан үе шаттай бүтээн байгуулалт юм.

Төслийн үйл ажиллагаа орчин үеийн технологи, битүү цикл бүхий үйлдвэрлэл, Евро стандартын тээврийн хэрэгслийг ашиглан байгаль орчинд үзүүлэх сөрөг нөлөөллийг бууруулж, аюулгүй ажиллагаа, хариуцлагатай уул уурхайн зарчимд нийцүүлэн явагдана. Ил тод харилцаа, оролцогч талуудын хамтын ажиллагаа, орон нутгийн иргэдийн сургалт, ажлын байр бий болгох, худалдан авалтын дэмжлэгийн маягаар бүс нутгийн нийгэм, эдийн засгийн хөгжилд хувь нэмэр оруулж байна.