Ханбогд Кашимер ХХК

Ханбогд Кашимер ХХК нь 1998 онд үүсгэн байгуулагдсан өмнөд дэлхийн танигдсан брендүүдийн өндөр чанарын шаардлагад нийцсэн самнасан ноолуур үйлдвэрлэгч юм. 24 жилийн өнгөрсөн хугацаанд Англи, Итали, Хятад, Герман, Энэтхэг, Япон, Солонгос зэрэг улсуудад чанартай ноолуур нийлүүлэх зэрэгцээ 400 гаруй ажилтныг тогтвортой ажлын байраар хангаж ирсэн. Үйлдвэрийн хүчин чадал жилд 1000 тонн самнасан ноолуур, 200,000 ширхэг сүлжмэл бүтээгдэхүүн, 150,000 ширхэг нэхмэл бүтээгдэхүүн үйлдвэрлэх зэргээр өргөжижээ. Ноолуурын экспортоор Монгол Улсын тэргүүлэгч компаниудын нэг болж, валютын нөөцийг нэмэгдүүлэхэд хувь нэмэр оруулаж ирсэн. Сүүлийн 12 жилийн турш ТОП-100 аж ахуйн нэгж, найдвартай татвар төлөгч, шилдэг самнасан ноолуур экспортлогч байгууллагаар шалгарсаар ирсэн.

2019 оны 4 дүгээр сард Улаанбаатар хотын Сонгинохайрхан дүүрэгт 7,000 мкв талбайтай шинэ үйлдвэрлэлийн цогц байгуулж, Итали, Япон, Герман улсад үйлдвэрлэгдсэн сүүлийн үеийн дэвшилтэт машин, тоног төхөөрөмжөөр бүрэн тоноглосон. Хүний нөөц, менежментийн үйл ажиллагаа ажилтан бүрийн авьяас чадвар, нөөцийг нээн илрүүлж хөгжүүлэх, чадварлаг мэргэшсэн баг хамт олныг бүрдүүлэхэд чиглэгддэг.