Хан-Уул цамхаг

Хан-Уул цамхаг нь Монгол Улс зах зээлийн эдийн засагт шилжих үеэр байгуулагдсан хувийн өмчийн компани бөгөөд зөвлөгөө, барилга угсралт, худалдаа, үйлчилгээ, үйлдвэрлэлийн салбарт үйл ажиллагаа явуулж ирсэн. Олон улсын байгууллагын өндөр стандартын дагуу шударга тендерт оролцож, гадаадын туршлагатай компаниудтай өрсөлдөх замаар инженер, техникийн ажилтнуудын мэдлэг, чадавхи хуримтлуулсан. 2011 оноос компани нь өндөр боловсрол, чадавхитай зуу гаруй ажилтнуудтай томоохон төслүүдийг бие даан хэрэгжүүлэх болсон.

Хан-Уул цамхаг нь улс орны хөгжилд шинэ түрлэг нэмэх, нийгмийн үр өгөөжийг дээдэлж, үндэсний олон компаниудыг төслийн үйл ажиллагаанд татан оролцуулах бодлогыг баримтлаж ирсэн. Улаанбаатар хотод Санроуд оффис, Хан-Уул цамхаг, Сэлбэ хороолол, Роял маунтайн зочид буудал, дэлгэцийн гольфийн клуб, Mint Night Club, One Event Hall зэрэг орчин үеийн төслүүдийг хэрэгжүүлсэн бөгөөд эдгээр бүтээн байгуулалтууд монголчуудын мэдлэг, оюун ухаан, хөдөлмөрийг илэрхийлэн улс орны нийгэм, эдийн засагтай хөгжилд хувь нэмэр оруулсан.