Инновэйшн Инвестмент ХК

Инновэйшн Инвестмент ХК нь Монголын дижитал төлбөрийн системийн дэд бүтцийг бүтээсэн TechFin салбартаа тэргүүлэгч компани юм. Групп компани нь QPay үйлчилгээг удирдах ККТТ ХХК болон мерчантуудад үйлчилгээ үзүүлэх Дижитал Мерчант Сервисэс ХХК гэх хоёр охин компанитай үйл ажиллагаа явуулж байна. Толгой компани нь шинэ бүтээгдэхүүн хөгжүүлэлт, хөрөнгө оруулалт, одоогийн үйлчилгээний хөгжил ба тэлэлтийг удирдана.

ККТТ ХХК нь Монголын цахим төлбөр тооцооны салбарын анхдагч байгууллагуудын нэг бөгөөд 2017 оноос QPay үйлчилгээг ажиллуулж байна. 2023 оны байдлаар QPay-г өдөр тутам 3.2 сая хэрэглэгч ашигладаг ба 48,000 гаруй мерчант болон 220,000 орчим статик QR мерчант төлбөр хүлээн авч байна. Тухайн жилд 121.4 сая ширхэг гүйлгээ дамжуулан 5.9 их наяд төгрөгийн үнийн дүнг гүйцэтгэсэн бөгөөд Монгол улсын бэлэн бус төлбөр тооцооны зах зээлийн 7.9 хувийг эзэлж байна.