Грейт Чингис Экспедишнс

Грейт Чингис Экспедишнс нь Монгол орны нөхцөлд мэргэжлийн өндөр түвшинд аялал жуулчлалын үйл ажиллагаа эрхлэн явуулдаг. Явган, ердийн хөсгийн болон авто аялалыг голлон, Монгол орны байгалийн бүх бүс бүслүүрийг хамран байгаль орчинд сөрөг нөлөөгүй байхаар зохион байгуулдаг. Угсаатны зүй, соёлын аялалаас гадна шинжлэх ухаан танин мэдэхүйн агуулгатай шувуу, загасчлал, палеонтологи, археологи, эрвээхэй, цэцэгт ургамлын чиглэлээр төрөлжсөн аялалуудыг зохион байгуулдаг.

Гадаадын болон дотоодын олон харилцагчтай гэрээ хэлцэл байгуулан ажиллах замаар орон нутгийн ард иргэдийн амьжиргааны түвшинг дээшлүүлэхэд хувь нэмэр оруулж байна. Байгаль хамгаалах, экологийн тэнцвэртэй байдлыг хадгалах талаар үр бүтээлтэй ажиллаж, 2005-2007 онд дотоодын их сургууль, Английн Scientific Exploration Society-тай хамтран Баянхонгор, Өмнөгөвь, Говь Алтайн аймгийн биологийн судалгааны экспедицийг амжилттай зохион байгуулсан.