ТӨРИЙН ТУСГАЙ АЛБАН ХААГЧДЫН НЭГДСЭН ЭМНЭЛЭГ

ТӨРИЙН ТУСГАЙ АЛБАН ХААГЧДЫН НЭГДСЭН ЭМНЭЛЭГ нь 1933 оны 06 дугаар сарын 07-ны өдөр Дотоодыг хамгаалах газрын эмнэлэг нэртэйгээр үндэслэгдсэн, 88 жилийн баялаг түүхтэй Монгол улсын ургалжсан эмнэлгүүдийн нэг юм. 2016 оны 12 сарын 28-нд Төрийн тусгай албан хаагчдын нэгдсэн эмнэлэг нэртэйгээр сэргээгдэж үйл ажиллагаагаа эхлүүлсэн бөгөөд Хууль зүй, дотоод хэргийн яамны харъяа үйл ажиллагаа явуулж байна.

Эмнэлэг нь 246 ортой, 9 тасагтай, жилд дунджаар 10000-11000 үйлчлүүлэгчийг хэвтүүлэн эмчилж, 2300-2500 хүнд мэс заслын тусламж үзүүлж, амбулаторийн кабинетаас жилд 420000 орчим оношилгоо, шинжилгээ хийж байна. Тус эмнэлэг нь Хил хамгаалах ерөнхий газар, Цагдаагийн ерөнхий газар, Шүүхийн шийдвэр гүйцэтгэх ерөнхий газар, Архивын ерөнхий газар, Шүүхийн шинжилгээний үндэсний хүрээлэн, Оюуны өмч, Улсын бүртгэлийн ерөнхий газар, Гадаадын иргэн харъяатын газарын албан хаагчид, тэдний гэр бүлийнхэн болон бусад төрийн байгууллагын үйлчлүүлэгчид, чөлөөнд гарсан ахмадууд нийт 130 гаруй мянган хүнд, нийслэлийн Чингэлтэй дүүргийн 170 мянга орчим иргэнд мэс засал, гэмтлийн тусламж, үйлчилгээ үзүүлж байна.