Этүгэн их сургууль

Этүгэн их сургууль нь 2001 онд Боловсрол, соёл, шинжлэх ухааны сайдын 153 дугаар тушаалаар Этүгэн коллеж нэртэйгээр байгуулагдсан. Сургалтын үйл ажиллагаагаа 2002 оны намар 36 оюутан элсүүлснээр эхлүүлсэн түүхтэй.

Одоо тус сургууль нийт 250 гаруй багш, ажиллагсадтай ба үндсэн багш нарын 30 орчим хувь нь докторын зэрэгтэй. Нийт 6000 гаруй оюутан бакалаврын 21, магистрын 7, докторын 1 хөтөлбөрөөр өдөр, орой, эчнээ хэлбэрээр суралцаж байна. 15 удаагийн төгсөлтөөр 5117 мэргэжилтэн бэлтгэсний 90 орчим хувь нь ажил эрхэлж байгаа. Мэргэжлийн хөтөлбөр бүрт тусгайлан зориулсан ур чадварын лаборатори, төвүүдтэй болоод сургалтын орчин, бааз суурийг тогтмол сайжруулж байна. 2019 онд сургуулийнхаа дэргэд Этүгэн мед эмнэлгийг нээн ажиллуулж байгаа.