Эрдэнэс Монгол ХХК

Эрдэнэс Монгол ХХК нь 2007 оны 2 дугаар сарын 22-нд Монгол Улсын стратегийн ач холбогдол бүхий ашигт малтмалын орд болон эрдэс баялгийн ордыг ашиглахтай холбоотой төрийн төлөөллийг хэрэгжүүлэх зорилгоор үүсгэгдсэн. Стратегийн ач холбогдол бүхий ашигт малтмалын ордын тусгай зөвшөөрөл эзэмшигч хуулийн этгээдүүд болон дэд бүтцийн төслүүдийг нэгдсэн стратеги, удирдлагаар хангаж, хөрөнгө оруулалтыг татах, нэмүү өртөг бий болгох, үйлдвэрлэлийн хүчин чадлыг нэмэгдүүлэхэд анхаарч ажилладаг.

Одоогийн байдлаар Эрдэнэс Тавантолгой ХК, Эрдэнэс Оюутолгой ХХК, Багануур ХК, Шивээ-Овоо ХК, Мон-Атом ХХК, Эрдэнэс Шивээ Энержи ХХК, Эрдэнэс Метан ХХК, Эрдэнэс Ассет Менежмент ХХК-иудын 50 буюу түүнээс дээш хувийн хувьцааг эзэмшиж байна. Оюу толгой ХХК-ийн Монголын талын 34 хувийг охин компаниар дамжуулан эзэмшиж, Тавантолгой–Гашуунсухайт авто замын ашиглалт, засвар үйлчилгээг Гашуун Сухайт Авто Зам ХХК-ээр төр, хувийн хэвшлийн түншлэлийн үндсэн дээр хэрэгжүүлж байна.